Првата линија од метрото во Пакистан почна со работа во Лахор, главниот град на покраината Панџаб, во земјата со слаб јавен превоз и недоволна инфраструктура.

„Портокаловата линија“ од подземната железница се протега на 27 километри и има повеќе од 24 станици. Ќе се скратат патувањата во овој, вечно блокиран велеград, а ја изградија кинески компании.

Овој проект на жителите на Лахор ќе им обезбеди инфраструктура од светска класа“, рече Усман Буздар, челник на владата на покраината Панџаб, во неделата на свечената инаугурација.

Отворањето на линијата доцни со години поради спорови и големиот долг на Пакистан за инфраструктурни проекти кои ги финансира Кина.

Pakistan's first electric train was inaugurated in Lahore on Sunday and is now open to the public. Check out pictures from the trainhttps://t.co/jkAI0URQAf pic.twitter.com/dgOg4OdTee

— Samaa English (@SamaaEnglish) October 26, 2020

Метрото, кое исто така е критикувано порадо загрозувањето на некои историски градски знаменитости, чинеше околу 300 милијарди рупии или 1,8 милијарди долари.

Властите се надеваат дека метрото секој ден ќе го користат 250.000 луѓе и дека ќе се намалат сообраќајните шпицови во тој град со повеќе од 11 милиони жители.

Голем дел од Пакистан има лоша инфраструктура во јавниот превоз, што на сиромашните работници им ги поскапува и оддолжува секојдневните патувања во урбаните зони.

Пекинг вложи повеќе од 50 милијарди долари во Кинеско – пакистанскиот економски коридор (ЦПЕЦ), што овозможи подобрување на инфрасктруктурните и транспортните врски во целата земја. Портокаловата линија ја финансираше ЦПЕЦ.

Кинеската новинска агенција Синхуа го поздрави отворањето на метро линијата и ја нарече „нова етапа за јавниот превоз во Јужна Азија“.