И новинар пред Специјалниот суд за Косово
Новинарот Нухи Битиќи информирал дека бил интервјуиран од Специјалните комори и Канцеларијата на специјалниот обвинител на Косово.
Битиќи рече дека целото негово сведочење пред овој суд е поврзано со неговата активност како новинар, за време на период на војната на Ослободителната војска на Косово, пренесува Газета Експрес.
– Мојата работа како новинар и како раководител на телевизискиот тим на Албанската телевизија во воените зони, презентирана во ТВШ и во светските медиуми преку многу телевизиски емисии, е најдобриот доказ за нашата чиста посветеност, фер и благородна ориентација на војната на Ослободителната војска на Косово. Врз основа на овој професионален и национален ангажман во служба на слободата на мојата татковина, ми беше лесно дури и пред Специјалните комори и Канцеларијата на Специјалниот обвинител на Косово, да ја докажам вистината во одбрана на нашата ослободителна активност – рече новинарот преку соопштение за јавноста.