И Надал како Ѓоковиќ, загуби сет на стартот од Вимблдон
Вториот носител на Вимблдон, Рафаел Надал обезбеди пласман во второто коло на најпрестижниот тениски турнир по победата над Франсиско Серундоло.
Надал на Вимблдон имаше идентичен старт како и Новак Ѓоковиќ, загуби еден сет, но на крајот успеа да слави со 6:4,6:3,3:6,6:4 за три и пол часа игра.
Противник на Надал во второто коло ќе биде Ричардас Беранкис кој го елиминира Американецот Сем Квери со 6:4,7:5,6:3. Убедлив настап на стартот од Вимблдон имаа Рејли Опелка кој со 7:6,6:4,6:4 го победи Табернер, Алекс де Минор со 6:1,6:3,7:5 беше подобар од Делиен, Сок го победи Запата Мираљес со 7:6,6:4,6:4, додека Шварцман беше најубедлив и му дозволи само осум гема на Козлов.
Маратонски мечеви во пет сета одиграа Гаске и Соуса, а славеше Французинот со 7:6,6:2,4:6,4:6,6:3, додека Ник Кирјос со 3:6,6:1,7:5,6:7,7:5 го победи Џаб.