И на 18 години феноменалниот Лазаров ги „кинеше“ мрежите (ВИДЕО)
Во битолскиот клуб Пелистер се почетоците на нашиот капитен кој е најефикасен во историјата на светските шампионати со 92 голови.
Еден од најдобрите ракометари во Македонија дефинитивно исто така ќе биде запишан и во листата најдобри десни бекови во светот.
Вистинска „гол-машина“, не се откажува и на 39 години, сезоната во Франција поради пандемијата на коронавирусот е завршена, а со неговиот Нант заврши на второто место зад шампионот ПСЖ.
Има бројни индивидуални признанија, многу шампионски титули во Хрватска, Унгарија и Шпанија со екипите на Загреб, Веспрем, Сиудад Реал, Атлетико Мадрид и Барселона.
На репрезентативно ниво после осум години беше урнат неговиот рекорд како најдобар стрелец на европските шампионати, но и натаму е најефикасен во историјата на светските шампионати со 92 погодоци од 2009 година.
Пред да ја стартува странската кариера, неговиот прв клуб беше битолски Пелистер (две титули во првенството и една во Купот), објавено е едно негово видео, самите почетоци на еден голем ракометар.