Лидерот на партијата на европските социјалисти, Сергеј Станишев, испрати писмо до шефот на Европскиот совет, Доналд Туск, во кое го повикува да го постави прашањето за разговори за пристап со Македонија и Албанија на утрешната агенда на Европскиот совет.

„ Дозволете ми да инсистирам на потребата од последен напор – последна шанса да најдам договор меѓу сите европските лидери за ова прашање. Со оглед на нејзината важност за стратешките, економските и безбедносните интереси на ЕУ, веруваме дека нашите шефови на држави или на Владата треба да му се претстави можност за понатамошно разгледување на прашањето“, му напишал Станишев на Туск.

Тој ја потенцира улогата на премиерите на Македонија и на Албанија во напредувањето по, како што наведува, тешкиот пат на реформите и во двете држави.

„Водејќи ги своите нации, прогресивните премиери Зоран Заев и Еди Рама инвестираа значителен политички капитал, преземајќи болни реформи и носеа тешки одлуки со цел да напредуваат на нивниот европски пат. Договорот од Преспа меѓу Република Северна Македонија и Грција, на пример, кој го реши долготрајниот спор за името меѓу двете земји, не беше помалку од историски. Тоа беше живописна демонстрација на решеноста на политичкото раководство на овие земји да ја претворат страницата на конфронтација во регионот и да ги одведат земјите во нова ера на европска соработка, солидарност и искрено пријателство“, пишува Станишев.

Лидерот на ПЕС, Станишев до Туск изразил загриженост дека ако има неуспех во проширувањето, ќе се доведе во прашање кредибилитетот на Европската Унија. Наведува и дека ќе се загрози политиката на проширување и процесот на евроинтеграција на земјите од Западен Балкан.