Hyundai го претстави својот прв електричен автобус на кат (ФОТО)
Автобусот е дел од напорите на оваа компанија за намалување на загадувањето на воздухот во Кореја.
Првиот електричен „даблдекер“ автобус на Hyundai е опремен со полимерски погонски батерии со водено ладење со капацитет од 384 kWh.
Благодарение на овие батерии, автобусот може да помине до 300 километри помеѓу две полнења со електрична енергија, а во корејската компанија тврдат дека потребни се 72 минути за целосно полнење.
Електромотор од 326 коњски сили (240 kW) беше искористен за возење на автобусот, а за да има подобро маневрирање на мал простор, тој беше опремен со систем за контрола на сите 4 тркала.
Автобусот може да превезе до 70 патници – 11 седишта се наоѓаат на долниот и 59 на горното ниво на возилото.
Електричниот „даблдекер“ исто така е опремен со напредни системи за помош на возачот, како што се превенција од судир и одржување на возилото во рамките на сообраќајната лента по која се движи.