Се чини дека ситуацијата со пандемијата од коронавирусот буди во нас чувства, кои претходно можеби не сме ги препознавале. Сакаме да признаеме или не, самата изолација влијае на психичката состојба на луѓето, буди анксиозност и го зголемува стресот. Сепак, додека едни ги обвинуваат туристите за ширењето на вирусот, одредени личности покажаа хуманост на дело.
Познатите ѕвезди и познати брендови со своите донации ги покажаа човечките вредности кои неизмерно се ценат. Тие со своите пари обезбедија средства за лечење кои им се потребни на заболените.

Џастин Бибер
Славниот пејач во средината на февруари донираше 29.000 долари од личните средства, на фондација во Пекинг, која им помага на децата заболени од овој вирус.

Блејк Лајвли и Рајан Рејнолдс
Еден од омилените парови кои многупати досега се истакнале со својата хуманост. Тие поддржуваат неколку хумантитарни акции, а за оваа борба донирале милион долари!

Џорџо Армани
Познатиот моден дизајнер донирал 1, 25 милиони евра со желба да се спречи коронавирусот во неговата земја. Армани е еден од најбогатите луѓе во Италија.

Доменико Долче и Стефано Габана
Основачите на најпознатиот бренд Долче и Габана во февруари донирале пари за Универзитетот „Хуманитас“, кој ја проучува реакцијата на имунолошкиот систем на коронавирус.