Директорот на Институтот за биохемија во Франкфурт Иван Џикиќ изјави денеска дека научниот тим на тој институт успеал да открие како човечките клетки се менуваат по инфекцијата на коронавирусот и дека откриле соединенија кои го забавиле или запреле размножувањето на вирусот.

– Култура на отвореност, вложување во технологии и поттикнување на креативноста на научниците, како и блиската соработка на биохемичарите и виролозите допринесоа до овој успех. Проектот започна пред само три месеци и веќе поттикна нови тераписки пристапи против Ковид-19, рекол Џикиќ, пренесува загребска Н1 ТВ.

Тим на биохемичари и виролози на Универзитетот Гете во Франкфурт тестирале низ на соединенија во лабораториски модели, а добиените резултати овозможуваат потрагата за активна супстанца да се сведе на мал број на веќе одобрени лекови.

Since March, measurements related to #COVID19 have priority at PSI’s Swiss Light Source #SLS. #PSICH had called for proposals from the scientific community. Now the first results from some of those measurements are being published. https://t.co/X4cH4S8ic9

— PaulScherrerInstitut (@psich_en) May 18, 2020

Меѓу откриените кои делуваат на спречување на ширењето на вирусот се и две нови потенцијални тераписки стратегии за третман на Ковид-19, како лекот кој рибавирин за кој се започнати клинички испитувања.

Друг потенцијален лек делува на метаболизмот на јаглехидратите во човечките клетки, бидејќи е докажано дека 2ДГ (2-деокси Д-глукоза) ја блокираат гликолизата, важен метаболички пат во ширењето на коронавирусот.

Американската фирма Молекулин Биотек поседува потенцијален лек кој се вика „WP1122“, а делува слично како 2ДГ. Тие најавиле припрема на клиничко испитување на основа на резултатите од Франкфурт.

– Благодарение на технологијата која ја развивме за првпат имавме можност да следиме промените во клетките по инфекцијата на САРС-КоВ-2. Факт е дека нашите откритија можат да поттикнат понатамошни истражувања за развој на лекови, дефинитвно е голем успех, изјави шефот на лабораторијата Кристијан Мунх.