Според податоци на Државниот завод за статистика, во септември годинава, во Хрватска имало 3,6 проценти помалку вработени отколку минатата година, а стапката на невработеност изнесува 8,8 проценти, пренесе агенцијата Хина.

Бројот на вработени на годишно ниво падна за 3,6 проценти, а пораст на бројот на вработени последен пат е забележан во април.

Бројот на вработени во приватниот сектор и слободните професии на годишно ниво е помал за 4,5 проценти. Благ пад на вработеноста на годишно ниво е забележан и во земјоделството за 0,2 проценти.

Најголем пад на вработеноста на месечно ниво е забележан во образованието за 0,8 проценти, а најголем пораст, за 1,4 проценти, во обезбедувањето на сместување и подготовка на храна и услуги.

На годишно ниво, најголем пад на бројот на вработени е забележан во туризмот и угостителството.

Стапката на невработеност во Хрватска е 8,8 проценти, додека во септември минатата година таа беше пониска за 2,1 процентен поен и изнесуваше 6,7 отсто.