Хрватска разгледува државно финансирање за скратеното работно време
Ваквата мерка во Германија се покажа како исклучително ефикасна во заштитата на пазарот на трудот за време на кризата во 2009 година.
Интензивни преговори меѓу Хрватското здружение на работодавачи и Владата за новата програма за помош на економијата и зачувување на работни места.
Ваквата мерка би стапила на сила откако ќе се искористат средства од постојниот пакет државни стимулации, а со цел компаниите да ја преживеат кризата предизвикана од пандемијата на Ковид-19.
Според весникот „Јутарњи лист”, во тек се преговори за воведување државно финансирање за скратеното работно време, по примерот на германската програма за државен надомест за скратено работно време, Курцарбајт, која се покажа како исклучително ефикасна во заштитата на пазарот на трудот за време на кризата во 2009 година.
Детали за новите мерки на хрватската Влада би можеле да бидат познати уште оваа недела, се вели во написот.