Хрватска: Пуштени во продажба заштитни маски кои го „убиваат“ коронавирусот

Маската може да се користи постојано додека не биде физички уништена, натопена со вода или значително загадена. Со секојдневно носење, маската може да се користи до еден месец.

Во Хрватска пристигна пратка со 128.000 маски за кои се вели дека сами го „убиваат” коронавирусот, дизајнирани од израелски научници.

Маските денеска ќе бидат дистрибуирани во аптеките, кои ќе ги продаваат за околу 40 куни (330 денари), објави хрватскиот портал 24sata.

Увозничката компанија Ринигард вели дека ова е само прва во серијата набавки и дека очекуваат нарачки од Србија, Унгарија, Австрија и Швајцарија, кои веќе, како што се наведува, покажале интерес за купување на големо. Цената ќе зависи од количината на нарачката и веројатно ќе се промени во иднина.

Маската, според изгледот, не се разликува од класичните хируршки маски за лице, но при изработката во материјалот е вметнат бакар оксид со антивирусни и антибактериски својства, пишува порталот.

Прочитајте и...  Автобусите на ЈСП утре ќе сообраќаат по неделен возен ред

Маската може да се користи постојано додека не биде физички уништена, натопена со вода или значително загадена. Со секојдневно носење, маската може да се користи до еден месец.

Маската може да се носи континуирано до три часа, по што треба да се отстрани, да се постави на рамна површина и да се остави 40 минути за својствата на материјалот да ги неутрализира патогените.

Израелските научници, кои ја дизајнираа маската, ја развија врз основа на технологија за правење завои и друга воена опрема, а специфичноста на маската лежи во фактот што нејзината ефикасност не се намалува со текот на времето.

Поврзани вести

Автобусите на ЈСП утре ќе сообраќаат по неделен возен ред

Слободен печат

Попоски позитивен на ковид-19

Слободен печат

ВИДЕО: На згради во француските градови се прожектираа карикатури од Мухамед од „Шарли Ебдо“

Слободен печат

ФОТО: Му избега триумфот на Вардар, Порто се спаси во последните секунди!

Фидан Коминовски

Дваесет и еден вработен во болница во Загреб позитивни на ковид-19

Слободен печат

Заев: Угостителските објекти ќе работат до 23 часот, освен оние што вршат достава на храна

Слободен печат

Остави Коментар