Хрватска почна со вакцинација, турканици и редици во Загреб
Во Загреб денес почна вакцинацијата против ковид-19 пред спортската сала на училиштето на пожарникарство, заштита и спасување. Се создаде огромен ред и луѓето што сакаат да се вакцинираат се жалат дека организацијата не е добра, јавија хрватските медиуми.
Граѓаните прво ќе ги вакцинираат со вакцината на Фајзер, а кога ќе се потроши со вакцината на АстраЗенека.
Редиците за вакцинација настанале и поради тоа што некои дошле многу порано отколку што им било кажано да дојдат, а некои дошле многу подоцна од закажаното.
Zagreb, jutros. Redovi za vakcinaciju pic.twitter.com/mOiedqc5hO
— zadovoljna_u_inat (@veritas273) February 23, 2021
Загребчани се жалат дека ќе мора да чекаат со часови за да се вакцинираат и дека вакцинацијата здравствените власти требало да ја споведат во здравствените домови. Дел негодуваат и дека за нив нема да има од вакцината на Фајзер, па ќе мора да се вакцинираат со онаа од АстраЗенека.