Хрватска: Осомничени за групно силување на малолетничка пуштени на слобода
Пет момчиња од вкупно седум обвинети за групно силување на малолетничка во Далмација, денеска биле пуштени од истражниот затвор, јавуваат хрватските медиуми.
Решенијата биле потпишани, сите сведоци сослушани, а биле поднесени и барања за укинување на мерката затвор.
Адвокатката на жртвата, Сања Безбрадица Јелавиќ, за тамошните медиуми изјавила дека осомничените морале да останат во затвор.
– Пред да бидат пуштени на слобода, до Жупанското државно обвинителство упатив барање од оштетената со сите сериозни причини кои упатуваат на тоа дека осомничените и натаму треба да останат во истражниот затвор – рекла Јелавиќ.
Ист така, неофицијално се дознава дека поднела приговор и побарала случајот да се префрли од задарскиот во судот во Загреб, меѓутоа, но Јелавиќ за јавноста не сакала ниту да ја потврди, ниту пак да ја демантира оваа вест.
Пред две недели била испитана и самата жртва во случајот. Испитувањето траело речиси цел ден. Со паузи, девојката преку видео-линк биле испитувана од девет наутро до 16.00 часот.
За потсетување, случајот за повеќекратно групно силување на малолетничка од Далмација за кој се осомничени седум мажи ја згрози цела Хрватска.