Хрватска одбележува 26 години од операцијата „Олуја“
Хрватска денеска во Книн одбележува 26 години од воено-полициска операција „Олуја“, која ја прославуваат како Ден на победата и татковинска благодарност, како и Ден на хрватските бранители, објави Индекс.
„Хрватска секогаш достоинствено ќе ја прославува Олуја“ изјави Хрватскиот премиер Андреј Пленковиќ од Книн.
„На сите од срце ви го честитам Денот на победата и татковинската благодарност како и Денот на бранителите. Секогаш е посебно чувството кога ќе го посетам Книн на овој ден бидејќи тоа е прилика да се потсетиме на деновите на гордоста и победата, но и на постојаната благодарност до сите кои го дадоа својот живот за Хрватска да биде слободна. Успеавме да воспоставиме респектабилна воена сила која ги победи криминалните политики на режимот на Милошевиќ, ставајќи крај на војната и воспоставувајќи мир. “ додаде тој.
Svima od srca čestitam Dan pobjede i domovinske zahvalnosti, Dan hrvatskih branitelja i 26. obljetnicu VRO Oluje. Žrtva branitelja dala nam je slobodu, ponos i državu, a zaštita njihovog položaja i dostojanstva Domovinskog rata naša je trajna obveza! 🇭🇷 🔗https://t.co/4wSV7jAZYP pic.twitter.com/MDyAdwYBen
— Andrej Plenković (@AndrejPlenkovic) August 5, 2021
Во воено-полициската акција „Олуја“ која започнала на 4-ти август 1995-та година со нападот на тогашната Република Српска Краина, загинаа речиси 2000 Срби, а скоро 220 илјади беа протерани.