Додека ЕУ бара заеднички протокол за патување на ниво на Европската унија, хрватскиот министер за туризам, Гари Капели соопшти дека земјата не ги откажала туристичките резервации претходно закажани за август и септември…

Според неговата изјава не се откажани ни резервациите за месец јули, кој според него, е „исто така солиден” во овој поглед, а за јуни , резервации има, но со оглед на ситуацијата, ќе биде малку потешко да се реализираат.

– Ја следиме ситуацијата, разговараме со колегите од пазарот, вчера разговаравме со словенечкиот министер и во мај ќе преговараме за деталите за ублажување на мерките. Наредните седмици треба да се сретнат епидемиолошките служби на двете држави, најави Капели.

За вчерашната препорака на германската Влада на своите граѓани да не патуваат надвор од земјата до средината на јуни, Капели рече дека таквите препораки сега се логични.