Хрватска „мириса“ полуфинале, рутински и против Австрија (ВИДЕО)
„Коцкастите“ во наредниот меч против Германија за два дена би можеле да го завршат најголемиот дел од работата во борбата за ново евро полуфинале
Хрватска знае само за победи на Европското ракометно првенство 2020, денеска во Виена славеше и против еден од организаторите на турнирот, Австрија, со резултат 27:23.
Најефикасен во составот на Лино Червар беше Златко Хорват со шест погодоци, по пет имаат Домагој Дувњак и Лука Циндриќ. На спротивната страна шестпати во листата на стрелците се запиша Роберт Вебер, а четири запиша Гералд Зејнер.
Watch the Game Highlights from Croatia vs. Austria, 01/16/2020 pic.twitter.com/GKAy0hXh38
— EHF EURO (@EHFEURO) January 16, 2020
„Коцкастите“ во наредниот меч против Германија за два дена би можеле да го завршат најголемиот дел од работата во борбата за ново евро полуфинале. Претходно четврти триумф по ред на шампионатот имаше и шпанската селекција совладувајќи ја селекцијата на Чешка (31:25).
Денешната програма од првото коло во групата 1 ќе биде завршена со дуелот помеѓу репрезентациите на Германија и Белорусија кој што започнува од 20.30 часот.
Моментно на табелата водат Шпанците и Хрватите со по четири бодови, следува Австрија (два), без бодови се Германија, Белорусија и Чешка.