Хрватите одлучија, први на терените се враќаат Риека и Велковски!
Предложените датуми се очекува да бидат потврдени од Центарот за цивилна заштита, во согласност со епидемиолошката состојба во земјата.
Денеска и официјално потврдија од страна на хрватската фудбалска федерација дека кон крајот на мај ќе продолжи натпреварувачката сезона 2019/2020.
Како што е најавено фудбалската сезона во Хрватска ќе продолжи со натпреварите од полуфиналето во Купот на 30 и 31 мај, а една недела подоцна, на 6 јуни ќе продолжат и возбудувањата во првенството.
Тоа значи дека прва на терените ќе излезе екипата на Риека во чии редови настапува македонскиот репрезентативец Дарко Велковски, која за противник во полуфиналето го има Осиек чиј член е нашиот интернационалец Тодор Тодороски.
Stigle su odlične vijesti za sve nogometaše, trenere i ljubitelje nogometa – potvrdi li Stožer civilne zaštite predložene datume za popuštanje mjera u sportu, utakmicama polufinala HNK 30. svibnja mogao bi početi nastavak nogometne sezone u ??! ⚽❤
➡ https://t.co/WiXxHMQ0K2 pic.twitter.com/w1S58oc9GR
— HNS (@HNS_CFF) May 6, 2020
Во второто полуфинале силите ќе ги одмерат Славен Белупо и Локомотива. Куп финалето ќе се одигра на 1 август.
Предложените датуми се очекува да бидат потврдени од Центарот за цивилна заштита, во согласност со епидемиолошката состојба во земјата.
Сите мечеви од оваа сезона ќе бидат одиграни без присуство на гледачи, односно пред празни трибини.
Втората и третата лига, и пониските лиги нема да продолжат со натпреварувањата во сезоната 2019/2020, а нема да продолжат ниту натпреварувањата во сите помлади возрасни категории.
Тамошната федерација во согласност со надлежните, ќе ги информира клубовите за потребните упатства, со цел максимално да се заштити здравјето на играчите и сите вклучени во хрватскиот фудбал.