Репрезентацијата на Србија вечерва ја совлада Финска со 75:66 во рамките од четвртото коло во квалификациите за пласман на наредното Европско првенство во 2022 година.

Најефикасен во победничките редови беше Данило Анѓушиќ со 19 поени, два помалку запиша Алекса Аврамовиќ.На спротивната страна кај Финците најдобар стрелец беше Едон Махуни со 15 поени.

Во рамките од групата „Е“ моментно првопласирана е Грузија со максимални четири победи, второпласирани се Србите со учинок 2-2, а Швајцарија и Финска имаат по еден триумф и три порази.

На ЕП покрај Грузија, која е еден од домаќините, од оваа група ќе се квалификуваат уште две репрезентации.

Покрај Грузијците, домаќини се уште Чешка, Германија и Италија, а до сега преку квалификациите на континенталниот собир се пласираа Хрватска, Грција, Босна и Херцеговина, Израел, Словенија и Украина.