ХРВАТ ВОЗЕЛ СО 2,8 ПРОМИЛИ, ПА КАЗНЕТ СО 10.256 ЕВРА! Пијан удрил во паркиран автомобил, минал низ црвено, па потоа застанал
Еден возач во Осиек казнет е со 10.256 евра и забрана за возење кола од две години откако во алкохолизирана состојба предизвикал судар во тој хрватски град, а потоа одбил да застане и минал низ црвено светло на семафорот.
Покрај тоа тој возел иако дозволата привремено му била одземена.
Полицијата во Осиек во средата соопшти дека го уапсила 52-годишникот, кој со неприлагодена брзина со 2,8 промили алкохол во крвта, во вторникот околу 20.45 часот удрил во паркиран автомобил и продолжил да вози, и покрај сигналите од полицијата да запре.
На раскрсницата минал низ црвено светло на семафор и дури подоцна застанал.
Во полицијата наведоа дека за овие сообраќајни прекршоци предвидена е парична казна од 10.256 евра и забрана за возење од две години, како и 24 негативни прекршочни бодови.