Кога сакате да внесете некоја промена во класичниот избор за појадок или сте на хроно режим овој рецепт е вистинскиот избор за вас. 

Потребни состојки:

– 2-3 домати
– 2 тиквици
– 1 кромид
– 1 црвена пиперка
– оригано
– магдонос
– пола чешне лук
– сол
– црн пипер
– масло

Исецкајте ги тиквичките на кругови, а би било поубаво да се малку поголеми тиквици за да може да се формира убав круг. Наредете ги на плех, попрскајте ги со масло и зачинете по желба. Тепсијата ставете ја во веќе загреана рерна, на отприлика 180 степени и оставате ги да се запечат многу кратко (околу 5 минути).

Исецкајте ги црвената пиперка, доматите и кромидот. Најпрво кромидот и лукот ставете ги на жешко масло но, не на превисок оган, додека не добијат златна боја, а потоа додадете ги црвената пиперка и доматите. Зачинете по желба.

На веќе запечените тиквички, ставете по една лажица од смесата со домати, кромид и црвена пиперка. Во смесата можете да додадете и ситни парчиња пилешка шунка, рукола и неколку оревчиња.