Се надевам дека еден ден ќе се вратам и на музичката и на театарската сцена. Веќе отсуствувам од театарот 13 години, а малку повеќе и од музичката сцена. Тоа го направив поради мајчинството, но еве сега ќерка ми е порасната, така што мислам дека сега можам да се вратам, изјави за „Утрински брифинг“ на „Слободна ТВ“ актерката и пејачка, Олгица Христовска.

Околу другарството и соработката со починатиот Драган Вучиќ, Христова вели дека со Вучиќ се запознала само што завршила средно школо, на фамилијарна забава и така соработката започнала.

-Така се случи јас да ја пејам „Свирете ја зајди зајди“ на Макфест 1992. Песната стана евергрин, тоа и ме натера да продолжам да се занимавам со музика. Вучиќ остави огромен белег на музичката сцена во Македонија. Можеби немавме некое големо приватно дружење, но една огромна почит имаше помеѓу нашите две семејства, изјави за Христовска.