Храна што го прави лицето сјајно и блескаво, јадете од овие намирници
Она што го јадете влијае на вашето целокупно здравје, вклучувајќи го и здравјето на кожата. Па, доколку сакате да си го разубавите лицето ( а, кој не сака?!), треба што повеќе да јадете од овие намирници.
Боровинки
Тие се богати со антиоксиданси кои ги неутрализираат слободните радикали познати по предизвикувањето на многу болести и предвремено стареење. Освен тоа, го спречуваат оштетувањето на клетките на кожата, а се богати и со растителни влакна и витамини Ц и E.
Ореви
Тие се богати со Омега-3 масни киселини кои се одлични за кожата и косата. Косата ја прават сјајна, а кожата мазна.
Домати
Тие се богати со каротеноиди и хранливи материи кои помагаат да се забави оштетувањето на клетките предизвикано од слободните радикали.
Калинки
Богати со антиоксиданси кои и помагаат на кожата во производството на колаген со цел брзо закрепнување од надворешните влијанија.
Зелен чај
Тој е богат со антиоксиданси и помага да се ублажи штетата која е настаната од изложување на сонце. Содржи полифеноли кои помагаат да се регенерираат клетките на кожата. Богат е со витамините Ц, Д и К, цинк, калциум, магнезиум и железо.
