ХРАБРОСТ ИЛИ ЛУДОСТ: Кошаркарите на Виртус се вратија на тренинзи под посебни правила
Додека светот се чудеше на информацијата дека фудбалерите на Наполи од идната недела се враќаат на тренинзите, уште почудна вест доаѓа од Болоња.
Иако Италија е најзагрозена европската земја од коронаворусот и каде секојдневно илјадници луѓе се заболуваат од Ковид-19, а неколку десетици луѓе дневно умираат, кошаркарите на Виртус Болоња почнаа со тренинзи.
Тренерот на екипата, Александар Ѓорѓевиќ ја потврди информацијата дека неговиот тим започна да се подготвува за продолжение на сезоната, која прашање е дали ќе се доигра доколку состојбата со пандемијата на коронаворусот се влошува.
– Повторно почнавме со работа по оваа принудна пауза. Ќе продолжиме да им помагаме најдобро што можеме на нашите играчи да можат да ја вратат силата и кондицијата. Ние не се предаваме, а времето ќе покаже дали бевме во право со оваа одлука – изјави Ѓорѓевиќ.
Тренинзите ќе се одвиваат по строго утврдени правила, а постигнат е договор со фирма секојдневно да ја дезинфицира салата.
Специјализираниот кошаркарски сајт Спортандо, објасни како ќе изгледаат тренинзите на екипата на Виртус.
Virtus Bologna resumed practices:
– One employee opens doors of gym
– Max 2 players can enter. 1 has to be on the court, 1 in weight room
– Different locker rooms for each athlete
– Gym sanitized
– Balls, equipments cleaned up after use
-Players have list of trusted restaurants https://t.co/xzQgTkIV6N— Emiliano Carchia (@Carchia) March 21, 2020
– Само еден вработен ќе ја отвора вратата на салата.
– Најмногу двајца кошаркари можат да бидат во салката истовремено. Еден на теренот, а другиот во теретана.
– Секој кошаркар ќе користи различна соблекувална.
– Салата секојдневно ќе се дезинфицира.
– Топките и сите останати предмети ќе се дезинфицираат по секоја употреба.
– Играчите имаат листа на безбедни ресторани од каде можат да порачуваат храна.