Осакатени и распарчени тела на 12 лица беа пронајдени расфрлени на седум локации низ мексиканскиот град Монтереј во бранот насилство што ги вознемири жителите на главниот индустриски град на земјата, објави Ројтерс.

Грозоморните наоди будат сеќавања на крвавиот период во 2010-тите кога во градот доминираа картелските пресметки, а по улиците на градот лежеа тела, а на мостовите висеа убиени жртви. Таа бруталност во голема мера стивна во Монтереј , кој неодамна беше избран како место за новата фабрика за автомобили на Тесла.

Властите соопштија дека настаните од вторникот се чини дека се координиран напад и можеби биле предизвикани од внатрешен спор во рамките на криминална организација со седиште во државата Тамаулипас.

„Од пораките пронајдени (во близина на телата) постои некаква корелација“, рече Педро Жардон, државен обвинител на Нуево Леон како одговор на прашања од новинарите вчера попладне.

Фотографиите од наводните пораки циркулираа во локалниот печат и на социјалните мрежи сугерираат дека убиствата биле извршени од Североисточниот картел и биле како одмазда за наводната инфилтрација вогрупата.

Обвинителството не ја потврди автентичноста на фотографиите кои беа објавени.