Трикратниот шампион во Мото ГП, Хорхе Лоренцо денеска објави дека по заврпување на трката во Валенсија заминува во пензија.

– Најважните денови за еден возач се кога ќе дебитира, кога ќе победи, кога ќе ја освои титулата и кога ќе се пензионира. Тука сум да објавам дека ова ќе ми биде последна трка и дека се повлекувам од професионалното тркање – изјави Лоренцо на специјалната прес конференција.

Лоренцо оваа сезона ја помина во редовите на Хонда, но поради повредите не можеше да го покаже сиот талент и зашто е трикратен шампион во кралската класа.
– Сите знаат дека сум голем перфекционист, токму поради тоа по девет години во Јамаха почувствував дека ми е потребна промена. Затоа преминав во Дукати. Кога дојдов во Хонда го исполнив сонот на повеќето возачи, но повредите влијаеја на моите резултати и неможам да бидам конкурентен. По падот во Асен, се вратив дома и се обидов да најдам мотивација. Сакам да возам, да се натпреварувам, но највеќе да победува, и сфатив дека тоа не е возможно – вели Лоренцо.

#JL99 ?#ValenciaGP #MotoGP?
2009 ?
2010 ?
2013 ?
2015 ? + Pole ?
2016 ? + Pole ?
2019 ? Go Jorge!!#EquipoRepsol#RepsolTeam pic.twitter.com/2uxDRlyHFZ

— Box_Repsol (@box_repsol) November 14, 2019

Лоренцо дебитираше во најсилната класа во Мото ГП шампионатот во 2008 година. Ги освои титулите светски првак во 2010, 2012 и 2015 година. Најубавите моменти во кариерата ги доживеа како возач на Јамаха кога и ги освои трите титули во најсилната класа, а возеше уште за Дукати и за Хонда. Во кариерата имаше 202 старта, 47 победи, 114 подиуми и 43 пол-позиции.

– Среќен сум бидејќи се тркав со неверојатни возачи. Не можам да го издвојам најдобриот момент во кариерата, но кога би морал да бирам, тогаш трката во Малезија 2010 година е на првото место. Таму ја освоив првата титула во кралската класа – вели Лоренцо.