И покрај фактот дека се изедначи по бројот на грен слем титули со Рожер Федерер и Рафаел Надал, и дека е подобар од ривалите по сите најважни параметри, и натаму го „оспоруваат“ Новак Ѓоковиќ.

Српскиот ас се наоѓа многу веројатно во животна форма и се чини дека поместувањето на границите во светскиот тенис ќе потрае уште некое време.

Тоа очигледно не е доволно за новинарот на британскиот медиум „Дејли мејл“, Оливер Холт, да го прогласи за најдобар тенисер во историјата.

– Новак се израмни со Федерер и Рафа со по 20 грен слем титули во сингл минатата недела, и тоа дополнително ја разгоре дебатата за тоа кој е најголем од тројцата – напиша Холт во својата колумна, додавајќи:

„Дури и ако Ѓоковиќ освои повеќе титули – јас нема да го променам мислењето“.

Според него, Новак не е ниту во Топ 3 играчите на сите времиња.

– Големината на тенисерот и причината зошто го цениш ја надминуваат титулата. Мои Топ 3 тенисери се Рожер Федерер, Бјорн Борг и Гиљермо Вилаш – додаде Холт.

Во ерата на Новак Ѓоковиќ: Има ли нешто послатко?