Осум години по смртта, Витни Хјустон „оди“ на турнеја. Семејството на покојната пејачка, потврди дека по повеќегодишни подготовки, холограмот кој ќе ги пее песните на Витни пред публиката ширум светот е целосно комплетиран. 

Холограмот тргнува на турнеја по Европа на 25 февруари, а најверојатно потоа ќе настапува и во Америка.

– Витни тоа би го сакала – соопшти нејзината снаа и поранешна менаџерка Пет Хјустон.

Шоуто ќе биде комплетирано со бенд во живо, повеќе придружни вокали и танчери, и секако холограм од пејачката кој ги „изведува“ нејзините најголеми хитови како што се „I will always love you“, „All the man that i need“, „I wanna dance with somebody“ и други.

Безживотното тело на пејачката беше пронајдено во хотелска соба од страна на персоналот, а Витни зад себе ја остави ќерката Кристина Браун, коjа на сличен и трагичен начин го напушти светот три години подоцна.

Холограмските турнеи или настапи на покојни ѕвезди во последните десетина години станаа многу значаен дел од музичкиот бизнис.

Еден од највпечатливите беше холограмот на Тупак Шакур, на сцената на фестивалот Коачела во 2012 година.

Погледнете како тоа изгледаше…