Како што јавува италијанскиот новинар Фабрицио Романо, Барселона експресно ја договори платата со холандскиот репрезентативец кој е желба на новиот тренер Роналд Куман и инсистираше токму на негов ангажман.

Memphis Depay have agreed personal terms with Barcelona after contacts started days ago. But final agreement is still to be reached between Barça and OL – talks ongoing.
Barça are negotiating also with Wijnaldum agents – no opening bid to Liverpool yet. ?? #FCB #LFC #transfers

— Fabrizio Romano (@FabrizioRomano) September 9, 2020

Депај влезе во последната година од договорот со францускиот тим и нема намера да потпишува нов договор со што ги стави челниците на Олимпик Лион пред свршен чин да го продадат ова лето и тоа на Барселона.

Новиот тренер на Барса инситира на негов ангажман бидејќи во Депај го гледа идеалниот наследник на Луис Суарез, тие двајца одлично соработуваа во холандската репрезентација кога Куман беше селектор.

До конечна реализација на трансферот останува Барселона да достави официјална понуда, а се шпекулира дека таа ќе изнесува околу 30 милиони евра.

Освен Депај, ова лето на „Камп Ноу“ се очекува да пристигне уште еден холандски репрезентавец Џорџино Вајналдум чии агенти се во завршни преговори со челнивите на Барселона, а трансферот би требало да се реализира како тој на Депај. Клубот прво ќе ги договори личните услови со фудбалерот, а потоа ќе испрати официјална понуда до Оллимпик Лион и Ливерпул.