ХОЛАНДСКИОТ ПРЕМИЕР ГИ ПРЕДУПРЕДИ БРИТАНЦИТЕ: Нема да има нови преговори за Брегзит
Холандскиот премиер Марк Руте предупреди дека ЕУ нема повторно да преговара за постигнатиот договор со Британија за нејзино излегување од Унијата со новиот британски премиер.
„За договорот околу Брегзит нема повторно да се преговара“, рече Руте на конференцијата за новинари.
„Проблемот не е во Тереза Меј, туку во строгите услови кои ги постави Велика Британија за каков било договор“, нагласи Руте.
Британската премиерка Тереза Меј денеска соопшти дека на 7 јуни ќе поднесе оставка и изрази длабоко жалење што не успеала да го спроведе Брегзит.
Договорот околу излегувањето на Британија од ЕУ, кој Меј не го усогласи со лидерите на ЕУ, три пати беше отфрлен на гласање во британскиот парламент.