Компанијата „MamaLoes“ е прва во Холандија која почна да вработува работници без поднесување резимеа и мотивациски писма.

Станува збор за таканаречено отворено вработување, каде луѓето кои сакаат да работат треба само да го остават своето име и контакт податоци и да чекаат повик. Бидејќи работниците не пополнуваат никакви прашалници и не одат на посебни разговори со работодавачот, работата ја добиваат кога ќе добијат повик од фирмата.

Компанијата MamaLoes се занимава со продажба на предмети за деца преку интернет.

„На нас ни е доволно личноста да каже дека може да ја извршува таа работа. Ние потоа им даваме шанса за работа и да се докажат“, изјави директорот на компанијата MamaLoes, Лус де Волдер.

Тој додава дека работниците почнуваат со минимална плата, но со текот на времето можат да напредуваат.