Холандија ќе даде поддршка за Северна Македонија преку набавка на тестови за коронавирус базирани на нуклеарна технологија кои се развиени од страна на Меѓународната агенција за атомска енергија и Светската здравствена организација.

Како што соопштија од Холандската амбасада, се очекува тестовите да пристигнат во државата во наредните неколку дена. Тестовите се базираат на технологијата позната како реверзно транскрипциона полимеразна верижна реакција (real time RT-PCR), во моментов најсензитивната метода за детектирање на вирусот.

Технологијата користена за овие тестови првично била воспоставена за потребите на ветеринарниот сектор заедно со Организацијата за храна и земјоделство, а потоа доразвиена и искористена во рамките на справувањето со епидемиите на ЗИКА и Ебола.

Вкупната холандска поддршка за тестовите за коронавирус од МААЕ кои ќе бидат дистрибуирани во Северна Македонија, Украина и Мароко изнесува 500.000 евра, наведуваат од Амбасадата на Холандија.

Запирањето на пандемијата на #коронавирус е заеднички интерес на човештвото. Драго ни е што холандската финансиска поддршка на проектот на @IAEA за дистрибуција на тестови за #COVID-19 ќе овозможи брзо тестирање во Северна Македонија. https://t.co/XrnDTs6jgi

— Dutch Embassy North Macedonia (@NLinSkopje) April 2, 2020