Хоџа спроти ставот на ССК: Минималната плата од 18 000 денари има за цел подигање и проширување на работничките права

epa03970284 A photo dated 22 October 2013 of workers cleaning the main square in front of the newly build National Archeological Museum, which is part of the big and expensive government project named 'Skopje 2014' that completely changed the look of the city's center, in Skopje, the capital of the Former Yugoslav Republic Of Macedonia (FYROM). Macedonia is one of eight candidates hoping to follow Croatia's footsteps to become members of the European Union. A Summit of EU leaders in Brussels in December 2013 is expected to discuss the European Commission's recommendations for Albania, Bosnia and Herzegovina, Kosovo, Macedonia, Montenegro, Serbia, Turkey and Iceland pending the respective countries' efforts to match European Union requirements in political and economic matters. The Former Yugoslav Republic of Macedonia (FYROM) applied for EU membership in 2004 and was granted candidate status in 2005. EU member country Greece in the past has blocked further moves for accession talks due to a conflict over the country's name, which it shares with a Greek region. EPA/GEORGI LICOVSKI

Aнгажманите на Владата на Република Северна Македонија се минималната плата да биде 18 000 денари што има за цел подигање, проширување на работничките права, истакна денеска портпаролот на Владата Мухамед Хоџа на прес-конференција одговарајќи на новинарско прашање за ставот на Сојузот на стопански комори дека мерката е популистичка и дека ќе влијае на дестабилзиација на пазарот на труд.

– Оваа одлука треба да се случи во иднина и е во насока на пораст на правата на работниците, порача Хоџа.

Сојузот на синдикати на Македонија во понеделникот поднесе предлог до Собранието и до Министерството за труд и социјална политика за донесување закон со кој минималната плата треба да изнесува 18.000 денари. ССМ бара и висината на минималната плата да не биде пониска од 60 отсто од просечната месечна нето-плата во последните три месеци, како и спирално зголемување на сите останати плати во државата.

Ваквите барања веќе подолго време ги бара синдикатот, а како аргументи за зголемувањето на минималната плата ги посочува порастот на животните трошоци и најавите за зголемување на цената на струјата по Нова година.

По барање на ССМ се работи и на анализа за влијанието на минималната плата врз стопанството чии првични резултати, според нив, покажуваат дека покачувањето на минималната плата не влијае негативно, туку напротив позитивно на продуктивноста на работниците.

Од Сојузот на стопански комори (ССК) пак денеска порачаа дека зголемувањето на минималната плата како резултат на политички популизам, а не на функционални пазарни механизми или зголемена продуктивност на работната сила и зголемена економска активност, ќе доведе до намалување на работните места, раст на цените на производите и раст на сивата економија.

Според нив ваквата одлука ќе ги стави компаниите во дополнителен трошок, особено во период на здравствено-економска криза.

– Зголемувањето на минималната плата ќе влијае на намалување на мотивацијата на вработените кои досега биле попродуктивни, бидејќи голем број од деловните субјекти немаат капациети и моќи скалесто да ги зголемат платите на останатите вработени. Оваа мерка нема да роди со плод, со продуктивност, изјави Александра Андреева, член на управниот одбор на ССК.

Тие потсетија дека самиот закон има вграден механизам според кој минималната плата се зголемува во март секоја година.

– Така согласно член 4 од Законот, исплатената висина на минимална плата во бруто износ за месец март секоја година се усогласува со една третина од порастот на просечно исплатената плата во Република Северна Македонија, една третина од порастот на индексот на трошоците на живот и една третина од реалниот пораст на бруто домашниот производ, за претходната година, според податоците на Државниот завод за статистика, велат од ССК.

Заклучуваат дека проблемот со инфлаторните движења треба да се решава со зголемување на економската активност и создавање услови за развој.

Извор: МИА

Видео на денот