Хоџа: Помагаме да се откупи голем дел од грозјето за да го избегнеме најлошото

Фото: Архива

–Квалитетот на грозјето годинава не е таков како што очекувавме и поради природните околности во лозарството има речиси елементарна непогода, но со мерките што ги презеде Владата сите лозари што ќе го предадат грозјето добиваат осум денари од државата, ако се земат предвид сите мерки заедно, и плус тоа што ќе го добијат од откупувачите, порача денеска министерот за земјоделство, шумарство и водостопанство Арјанит Хоџа.

-Се наоѓаме во ситуација која не зависи многу од човечкиот фактор колку што зависи од природните околности. Преку мерките што ги презедовме како Влада успеавме донекаде да излеземе во пресрет за да не се случи најлошото. Доколку не преземевме ништо грозјето кое беше под квалитетот и без технолошка зрелост ќе требаше да остене на лозјата, а тоа ќе беше најголем проблем, рече Хоџа во одговор на прашање на денешната прес-конференција.

Посочи дека во текот на минатите десет дена три пати бил во Кавадарци.

-Ја следиме ситуацијата и секојдневневно сме во контакт со Државниот инспекторат за земјоделство, кој е присутен на лице место, и правиме максимални напори, но и ние и лозарите сме свесни за ситуацијата и преку дијалогот и партнерството со винарските визби помагаме да се откупи што поголемо количество на грозје за да го избегнеме најлошото, потенцира Хоџа. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот