Познатиот НБА новинар Шамс Шаранија објави ексклузивна информација во текот на ноќта дека Расел Вестбрук (32) сака да ја напушти екипата на Хјустон Рокетс.

Поранешниот МВП на лигата стигна минатото лето од Оклахома со надеж дека со својот поранешен соиграч (Џејмс Харден) би можел да направи голем успех, кога заедно со Кевин Дурент со Оклахома Сити Тандер дојде до големото финале во 2012 година.

Но, Хјустон беше елиминиран во серијата против Лос Анџелес Лејкерс во полуфиналето на Западот.

Вестбрук својот „тежок“ договор сака да го пренесе на друго место (уште 131 милион за наредните три сезони), а уште не е потврдено кој ќе биде неговиот следен клуб). Се поврзува со преселба Милвоки Бакс, Њујорк Никс, Сакраменто Кингс, Феникс Санс..

А се шпекулира и дека после осум години можно е да си замине уште една голема ѕвезда од редовите на Рокетси, 31-годишниот Харден или популарната „Брада“ е незадоволен од развојот на ситуацијата во клубот.