Хју Грант е избран да глуми негативец во филмската адаптација на видео играта „Dungeons & Dragons“.

Грант ќе ја толкува главната улога во филмот, кој е заеднички продуциран и финансиран од „eOne“ и „Paramount“. Во филмот ќе се појават и Софија Лилис, Мишел Родригез и Крис Пајн.

Филмот ќе биде напишан и режиран од Џонатан Голдстајн и Џон Френсис Дејли по адаптација на популарната игра на „Hasbro“ од франшизата „Wizards of the Coast“.

Повеќе од 50 милиони обожаватели на играта „Dungeons & Dragons“ ширум светот се воодушевени од најавата на овој проект.

„Dungeons & Dragons“ е тактичка воено-фантастична игра, која беше филмувана во 2000 година, но тој проект не помина најдобро во кино салите низ светот.

Грант неодамна глумеше во хит серијата на „HBO“ насловена „The Undoing“ и моментално е вклучен во последниот проект на Гај Ричи, акциониот филм „Five Eyes“.