Лигата на шампиоините во петок се враќа на големата сцена по петмесечна пауза со реванш натпеварите од осминафиналето.

Во петок ќе играат Јувентус и Лион (0:1) односно Манчестер сити – Реал Мадрид (2:1), а наредниот ден ќе се сретнат Барселона – Наполи (1:1) и Баерн Минхен – Челси (3:0) и победниците од овие дуели ќе им се приклучат на ПСЖ, Аталанта, Атлетико Мадрид и Лајпциг кои веќе обезбедија пласман во четврфиналето.

Поранешниот тренер на Арсенал, Арсен Венгер, со нетрпение го очекува враќањето на елитниот фудбал и според него има две екипи кои се фаворити за трофејот.
– Кога играте еден натпревар против Аталанта или Атлетико Мадрид се е можно, но според мене главни фаворити се Манчестер сити и ПСЖ – вели Венгер.

Французинот даде интересна изјава за тимот од неговата татковина.
– Искрено мислам дека ПСЖ е послаб од пред три-четири години, но и квалитетот на европскиот фудбал падна. Без разлика на тоа сметам декатие се меѓу најдобрите два-три тима во Европа.