Хиршер се збогува со скијањето – Слободен печат
ОстанатoСпорт

Хиршер се збогува со скијањето

Австрискиот скијач има осум триумфи во Светскиот куп и е двоен олимписки шампион.

Австрискиот скијач Марсел Хиршер одлучи да стави крај на богата спортска кариера, осиромашувајќи го скијањето за една голема легенда. Марсел Хиршер е осумкратен освојувач на големиот Кристален Глобус (2012-2019), денеска на новинарите им откри дека става крај на богатат кариера, бидејќи сака да поминува повеќе време со семејството.

– Денеска е денот кога ја завршувам кариерата. Не е преголемо изненадување, се чувствувам дека телото ми е преморено по 12 години огромни напори. Секако, тука е и фактот дека сакав да се повлечам како шампион. Секогаш сум велел дека треба да се каже збогум кога се уште ќе може да се победува, а не кога кариерата ќе се движи во надолна линија. Размислував на оваа тема дури и во 2012 година, тогаш решив да продолжам, но сега дефинитивно е крај- изјави Марсел Хиршер.

Легендата на австриското и светско скијање има 67 победи во Светскиот куп со што е трет на листата на скијачи со највеќе победи зад Ингемар Стенмарк (87) и Линдзи Вон (82), но затоа има највеќе Кристални глобуси, дури осум. Хиршер е двоен олимписки шампион од ЗОИ во Пјонгчанг 2018 кога триумфира во слалом и во алпска комбинација.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close