Докторот на српскиот фудбалски клуб Напредак од Крушевац се најде во центарот на вниманието откако успеал да спаси живот на петгодишно девојче за време на летот од Истанбул до Анталија.

Како што пренесуваа медиумите авионот бил на висока надморска височина кога екипажот побарал помош од медицинско лице. Докторот Томиќевиќ веднаш одговорил на повикот, а станувало збор за петгодишно девојче кое имало температура од 40 степени и се соочувало со фебрилни напади.

Со својата брза реакција Томиќевиќ помогнал да се стабилизира состојбата на девојчето и да не дојде до дополнителни компликации.

За ситуацијата информираа и од редовите на Напредак преку социјалните мрежи.

„Неговиот професионализам и смиреност во критична ситуација придонесоа за восхитување кај патниците и екипажот“, објави клубот.

Докторот по слетувањето бил дочекан на аеродромот и како вистински херој, но тој остнал скромен.

„Ми беше чест да помогнам. Во вакви ситуации секој треба да покаже солидарност“, изјавил Томиќевиќ.