Фудбалерите на Брајтон го направија најголемото изненадување во првото коло од Премиер лигата, тие го победија Манчестер јунајтед со 2:1 и тоа на „Олд трафорд“.

Херој на Брајтон беше Паскал Грос кој ги даде двата гола за својот тим.

– Не можеме да бараме повеќе од ова, три бода на гостувањето против Манчестер Јунајтед. Ова е голема победа за нас. Игравме навистина добро. Имавме добар план и се држевме до него, нашите шанси ги искористивме – изјави Грос по натпреварот.

Грос двата гола ги постигна во првото полувреме, а интересно е што досега во Премиер лигата му има даде шест гола на Јунајтед, двојно повеќе од било кој друг тим.

– Би сакал да постигнувам повеќе голови против други тимови, но секогаш ги постигнувам против Манчестер Јунајтед. Не знам зошто – додаде Грос.