Австралиецот Ник Кирјос е лошото момче на тенисот и наместо вниманието да го привлекува со игрите, тој е ја бранува јавноста со скандалозното однесување.
На турнирот во Рим заработи дисквалификација откако, прво се расправаше со линискиот судија, а потоа го фрли столчето на теренот.

Позната е неговата нетрпеливост кон двајцата најдобри тенисери на АТП Ранг листата, Новак Ѓоковиќ и Рафаел Надал. За Ѓоковиќ вели дека има болна опсесија да биде сакан од сите и дека не го поднесува, додека за Надал вели дека е лош губитник.

Одговорот дојде од поранешниот четврти рекет на АТП, Тим Хенман кој сега работи како стручен аналитичар за Би-Би-Си.

– Мислам дека кога го гледате Кирјос, на прв поглед го гледате како ирач. Вистинското прашање за него е „Што е успех. Како го опишува успехот?“. Во спортот навистина е лесно да се одговори, победа или пораз.
Дали Ник го покажува вистинскиот потенцијал?!. Никако, тоа е прво и основно, а во исто време и поразително за тенисот. Мислам дека е специфичен карактер но во исто време поседува неверојатен талент. Сакам да го видам кога ќе ја спушти главата и ќе се сконцентрира на тоа што најдобро го работи, да игра тенис на повисоко ниво од сега. Тој треба да освојува турнири и да се бори за висок пласман на Гран слем турнирите, а не да зборува за конкурентите. Не сум пророк, но се надевам дека конечно ќе направи големи промени – вели Хенман.