Вејн Хенеси, голманот на велшката репрезентација доби црвен картон на денешниот натпревар против Иран, првиот црвен на Светското првенство во Катар.

Ова исклучување им помогна на Иранците во финишот да постигнат два гола и стигнат до важна победа која им остава надежи дека можат се најдат на една од првите две позиции во групата кои водат во осминафиналето.

За прв пат во историјата сите натпревари од првото коло се одиграа без никој да биде исклучен. Хенеси се погрижи чекањето да не биде предолго.

Инаку според „Опта“ Хенеси е само третиот голман во историјата кој добил црвен картон на Мундијалите.

Претходно тоа им се случи на Итумеленг Куне од Јужна Африка на натпреварот против Уругвај во 2010 година и Џанлука Паљука од Италија на мечот против Норвешка во 1994 година.

3 – Wayne Hennessey is only the third goalkeeper ever to receive a red card at the World Cup, after Itumeleng Khune for South Africa v Uruguay in 2010 and Gianluca Pagliuca for Italy v Norway in 1994. Dismissed. pic.twitter.com/Tpdtc35i9t

— OptaJoe (@OptaJoe) November 25, 2022