Владејачката Хрватска демократска заедница (ХДЗ) соопшти дека не прифаќа колективна одговорност по повод денешната пресуда на Жупанискиот суд во Загреб, со која на партијата и беше изречена казна од 3,5 милиони куни (околу 460.000 евра) и најави жалба. 

Во соопштението на ХДЗ се наведува дека партијата, без да навлегува во основаноста на пресудата, ја отстранува секоја колективна одговорност на членовите на партијата, како и поврзаноста на сегашното раководство со индивидуалните дејства што се предмет на оваа постапка.

Покрај затворската казна за Санадер, парична за партијата: ХДЗ ќе плати околу 460.000 евра за случајот „Фими медиа”

Со поддршка, како што велат, на независната и автономна работа на судските тела, одговорноста на ХДЗ, како правно лице, произлегува од вината на одговорните лица, односно поранешниот претседател на партијата, Иво Санадер и други осудени лица, објави загрепската Н1 телевизија.

Повторното судење на Санадер и ХДЗ во случајот „перење пари од маркетинг компанијата Фими медиа” започна во 2016 година, откако Врховниот суд ја поништи пресудата од 2013 година.

Иво Санадер денеска е прогласен за виновен и осуден на осум години затвор за извлекување пари од маркетинг агенцијата „Фими Медиа”. Во овој случај, неговата партија ХДЗ е прогласена за одговорна за корупција.

Хрватска му пресуди: Иво Санадер доби осум години затвор за аферата „Фими Медиа”