Македонската ракометна сениорска репрезентација/фото: РФМ

Хасанефендиќ: За Македонците пласманот во вториот круг на СП нема да биде проблем

Светското првенство во ракомет во машка сениорска конкуренција започна во вторникот, овој шампионат ќе трае до 2 февруари и ќе се одржува во три земји: Данска, Норвешка и Хрватска.

Во оваа прилика „Балкан-Хандбал“ разговараше со Сеад Хасанефендиќ, еден од најуспешните ракометни тренери од овие простори.

Македонската репрезентација е во групата Д и во хрватскиот град Вараждин ќе игра против Унгарија, Холандија и Гвинеја.

Официјалниот распоред и термини на одигрување на натпреварите на македонската репрезентација е следен:

15.01.2025 – Унгарија – Македонија – 20:30 часот
17.01.2025 – Холандија – Македонија – 18:00 часот
19.01.2025 – Македонија – Гвинеја – 20:30 часот

Првопласираните три репрезентации од секоја група ќе обезбеди пласман во следната фаза, а според Хасанефендиќ пласманот во вториот круг за Македонеците нема да биде проблем:

– Што се однесува до Македонија, Кире Лазаров прави навистина одлична работа, во тоа нема сомнеж. Тоа беше евидентно од самиот почеток, а сега се потврди и низ неговата клупска кариера каде работи со исклучително млади играчи. Кире ја следи модерната игра, ги води играчите, и што е исклучително важно, тие го следат во неговите идеи. Мислам дека пласманот во вториот круг нема да биде проблем за Македонците, но што ќе се случи таму е прашање.

Тие се соочуваат со Холандија и Унгарија, кои не се лоши селекции и кои имаат свои сили. Македонија има младост, има дисциплина, има одлична игра, игра сè подобро и подобро. Сега сè зависи од многу фактори, од голманот, од играчите, од тоа дали се избрзани во некои завршни моменти. Предизвикот би бил да се пласираат во четвртфиналето и би рекол дека тоа треба да биде нивната цел – вели Хасанефендиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот