Харгривс: Од Дортмунд блефираат, Санчо ќе игра за Јунајтед!
Поранешниот играч на Јунајтед верува дека ќе се случи трансфери на англискиот репрезентативец на „Олд Трафорд“.
Поранешниот играч на Манчестер Јунајтед, Овен Харгривс, верува дека од Борусија Дортмунд блефираат и на крајот Џејдон Санчо ќе заврши на „Олд Трафорд”.
„Црвените ѓаволи” требаше до вчера да го комплетираат трансферот на англиската млада ѕвезда, но двата клуба такаи не се договорија за цената на напаѓачот.
Подоцна истиот ден, спортскиот директор на „жолто-црните” Михаел Цорк призна дека одлуката на Санчо да остане на „Сигнал Идуна Парк” е конечна и тој ќе игра во Германија следната сезона.
Но, Харгривс верува дека ќе се случи трансфер и 20-годишниот фудбалер ќе игра на „Олд Трафорд” од другата сезона.
– Блеф. Мислам дека е блеф, мислам дека Санчо ќе биде играч на Манчестер Јунајтед наскоро. Само се обидуваат да земат повеќе пари од целата ситуација. Тоа е во природата на предаторот. Очигледно знаат дека се заинтересирани од Јунајтед. Мислам дека блефираат и знаат дека тој ќе замине по таа цена – се зборовите на поранешниот играч на Јунајтед за „БТ Спорт”.
„Скај Спортс” исто така објави дека сагата околу Санчо не е завршена и првите луѓе од Манчестер не се откажале од намерата да го ангажираат англискиот репрезентативец.