Џејмс Харден и Хјустон рокетс веќе влегоа во плејоф ритам, а тоа најдобро го почувствува можниот конкурент во првото коло од разигрувањето, ЛА Клиперс, кој е декласиран со дури 32 поени разлика (135:103). Како по обичај, Џејмс Харден беше прво име кај „ракетите“ со 31 поен и по 7 скокови и асистенции за четврти триумф по ред со кој дојдоа на само една победа од второпласираниот на Западот, Денвер нагетс.

Денвер исто така оствари убедлив триумф, со 113:85 е совладан Сан Антонио спарс, а интересно е што тренерот на „мамузите“ беше исклучен по само 63 секунди игра.

Лука Дончиќ по пауза од два натпревари се врати на теренот, постигна 27 поени но неговиот Далас загуби со 110:108 од Минесота. Словенецот го имаше најдобриот потег на вечерта кога со прекрасен дриблинг го посрамоти Џон Окоџи.

Here's the play… breaking a pair of ankles into a buzzer-beating step-back 3 would be HoF-worthy. Terrific pass though, and unfortunately it just didn't go. pic.twitter.com/AnQ4c4Sqeg

— Bobby Karalla (@bobbykaralla) April 4, 2019

Резултати:
Детроит – Индијана 89:108
Орландо – Њујорк 114:100
Вашингтон – Чикаго 114:115
Атланта – Филаделфија 130:122
Бруклин – Торонто 105:115
Мајами – Бостон 102:112
Њу Орлеанс – Шарлот 109:115
Далас – Минесота 108:110
Денвер – Сан Антонио 113:85
Феникс – Јута 97:118
Портланд – Мемфис 116:89
ЛА Клиперс – Хјустон 103:135