Харадинај за таксите на српската роба: Не ја менуваме одлуката, таа е адут во дијалогот
Косовскиот премиер Рамуш Харадинај изјави дека уште постојат барања од Берлин и Приз за укинување на увозните такси на српската роба, повторувајќи дека тој сепак нема да ја менува одлуката, бидејќи според него таа е главен адут на Приштина во дијалогот со Белград.
Харадинај рече дека барањето за укинување на таксите е „барање за Косово да се дициплинира и да прифати решение со многу компромиси во конечниот договор со Србија“.
– Таксата не е само такса и не е само трговија. Тоа е исто така прашање кое одредува дали сме или не сме држава – изјави Харадинај.
Косовскиот премиер смета дека ако се откажат од таксите пред признавањето, тоа ќе им отежне постигнување на договор од еднакви позиции.
Харадинај рече дека одлуката за визна либерализација на Косово не е далеку и дека таа не е поврзана со таксите.
– Ако се одобри либерализација на визниот режим ќе имаме сосема поинаква атмосфера на Балканот – истакна Харадинај.