Харадинај: Воспоставувањето на авиолинијата не значи укинување на таксите кон Србија
Нашиот воздушен простор се уште не е под наша контрола, поради безбедносни причини. Но, договорот не е враќање назад ни за суверенитетот, ни за независноста на Косово – изјави Харадинај.
Премиерот на Косово во заминување, Рамуш Харадинај, денес изјави дека договорот за авионска линија меѓу Косово и Србија не го загрозува суверенитетот на земјата и дека договорот не значи и остранување на таксите кон Србија.
Харадинај по состанокот на владата, рече дека со имплементирање на авионската линија може да бидат признаени и документите на Косово.
– Нашиот воздушен простор се уште не е под наша контрола, поради безбедносни причини. Но, договорот не е враќање назад ни за суверенитетот, ни за независноста на Косово – изјави Харадинај.
Харадинај зборуваше и за актуелната политичка ситуација и рече дека неговата партија Алијанса за иднината на Косово ќе биде во опозиција и нема да биде дел од новата влада.
Додаде дека не се сретнал ниту со претседателот на Демократскиот сојуз на Косово, Иса Мустафа, но рече дека е отворен за таква средба.
– Немаме комуникација со Движењето Самоопределување за заедничко владеење. Не сме се сретнале ниту со претставници на ЛДК – рече тој.
Харадинај на прашање за евентуалното гласање на малцинска влада, рече дека без полтиички договор тоа е многу тешко.