Потпретседателот  на Организацијата на воените ветерани во Косово, Насим Харадинај за емисијата „Фронтал“ во косовската телевизија Т7, изјавил дека во текот на ова недела, или наредната недела ќе се случат првите апсења од Специјалниот суд, пренесува Газета Експрес.

Тој вели дека овие информации ги добиле од неколку адвокати, со кои соработуваат и кои работат во Специјализираните комори.

– Според некои адвокати со кои имаме соработка, се очекуваат апсења во текот на оваа и другата недела. Но, доколку не во текот на овие недели, во текот на месецот тоа сигурно ќе се случи – изјавил Харадинај.

Во меѓувреме додека Харадинај ја дал ова изјава, поранешниот командант на Безбедносните сили на Косово, Кадри Кастрати, информирал дека добил покана од Специјалниот суд.

Инаку, според косовските медиуми досега преку 100 лица добиле покани од Специјалниот суд, а дел од интервјуираните биле и важни фигури од политичката сцена во Косово.