Харадинај: Косово не смее да седне на маса на која ќе се дискутира за границите

Рамуш Харадинај
Рамуш Харадинај / Фото: EPA-EFE/VALDRIN XHEMAJ

Поранешниот премиер во интервју за агенцијата КосоваПрес изјави дека Косово мора, пред да седне на маса, јасно да ги дефинира сопствените позиции во однос на конечното решение за споровите со Србија.

Лидерот на Алијансата за иднината на Косово (ААК) Рамуш Харадинај ги поздравува заложбите за продолжување на дијалогот со Србија, но вели дека на сите треба јасно да им се даде до занаење дека Косово нема да учествува на маса на која ќе се дискутира за границите и за размена на територии, јави дописникот на МИА од Приштина.

Поранешниот премиер во интервју за агенцијата КосоваПрес изјави дека Косово мора, пред да седне на маса, јасно да ги дефинира сопствените позиции во однос на конечното решение за споровите со Србија.

– Косово не смее да седне на маса без јасно да даде до знаење дека нема да учествува во преговори во кои ќе се дискутира за територијата, за границите или за нашето уставно уредување. Да не одиме отворени за да се дискутира секоја тема. Косово го нема луксузот да дискутира за секоја тема – изјави Харадинај.

Тој не одговори на прашањето кој, според него, треба да биде главен преговарач, но вели дека надлежностите на шефот на владата и на претседателот на државата се јасно дефинирани со Уставот на Косово.

Според лидерот на ААК, во дијалогот со Србија битно е да се оди со принципи, а не цела расправа да се сведе на тоа кој ќе го води процесот.

– Уставот ги има предвид одговорностите на сите институции. Оние на претседателот, на премиерот, на сите. Од моја страна, како ААК, сакаме да го поддржиме Косово што посилно наспроти Србија за да се презентираат потребните аргументи со цел да се постигне договор во постоечките граници. Секому се дефинирани надлежностите. Поважно за нас е да се размислува за другите аспекти, за принципите на дијалогот – вели Харадинај.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот