Харадинај: Кога Србија ќе не признае, таксата ќе се укине
Косовскиот премиер Рамуш Харадинај повтори дека таксата за српската и босанската стока ќе се укине оној ден кога Србија ќе го признае Косово како држава.
За време на неговата посета на општина Вуштрија, Харадинај го спомнал и прашањето со визите, за што рече дека не е далеку денот кога ќе патуваат во Европа без визи, велејќи дека ова прашање не е поврзано со споменатата такса, пренесува Инсајдери.
– Денот кога ќе е се укинат визите не е далеку. Продолжуваме да работиме, тоа не е поврзано со таксата. Постои барање за нејзина суспензија. Повеќе е како начин за дисциплинирање. Кога Србија ќе не признае, таксата се укинува – рече Харадинај.
Харадинај ја коментираше и посетата на францускиот претседател Емануел Макрон во Србија, при што рече дека односите меѓу Косово и Франција се истите како што биле, на добро ниво на соработка.